Kryemistri Edi Rama nuk i ka kursyer “kritikat” sot për udhëheqësit politikë të PS, që do të drejtojnë fushatën në rrethe për zgjedhjet e 18 Qershorit. Nga pas, teksa ishte duke dëgjuar ministrat dhe deputetët e tij, Rama i ka kërkuar me ton urdhërues ta ndërpresin fjalën, apo edhe të largojnë letrën.
Ishte e para ministrja e Arsimit Lindita Nikolla e cila e nisi fjalën, por që Rama i tha në nisje të hiqte letrën që ajo kishte përgatitur, e ndërsa fliste, i bërtiti nga pas “boll”. Edhe në mes të fjalës së Blendi Klosit dëgjohet Rama që thotë “mbylle”. Ndërsa para se të fliste Ilir Beqaj, Rama i kërkon të mos e lexojë letrën dhe për këtë patën edhe një debat mes tyre. Situatën e përforcoi edhe Olta Xhacka e cila në fjalën e saj tha: “meqë letrën ma sekuestruan…”
http://www.dailymotion.com/video/x5h1gr0_20170402-124751_news
